Добродојдовте на официјалната страница на Општина Демир Хисар!
КРВОДАРИТЕЛСТВО PDF Печати
Krvodariteli-2

07.04.2017

ПРИЗНАНИЈА ЗА НАЈДОБРИТЕ КРВОДАРИТЕЛИ

По повод Денот на доброволното крводарителство и Меѓународниот ден на здравството, градоначалникот Љупчо Блажевски приреди прием за најдобрите демирхисарски крводарители. На пригоден начин, градоначалникот и претседателот на Собранието на Црвениот крст др. Ацо Бошковски ги прогласија новите повеќекратни крводарители на кои им беа врачени пригодни признанија и подароци за подарени 5, 10 и 25 крвни единици.

На средбата со градоначалникот беше речено дека Демир Хисар, според бројот на крводарителите е меѓу подобрите општини со остварен годишен план од дури 98 отсто, односно 258 доброволни крводарувања. Во текот на 2016. регистирани се 10 нови крводарувања, што ќе рече останатите крвни единици подарени се од останатите доброволни крводарители.

Општинскиот рекорд со најмногу крводарувања го држи Зоре Груевски кој има подарено крв 104 пати.

Krvodariteli-3

Krvodariteli-1
 
ПАТНА ИНФРАСТРУКТУРА PDF Печати
Pat_Smilevo-1

31.03.2017

ЗАПОЧНАА ПОДГОТВИТЕЛНИТЕ РАБОТИ НА ПАТОТ ЗА СВЕТИ ПЕТАР

Во пресрет на официјалниот почеток на градежните работи, денеска започнаа подготвителните работи на трасата за новиот асфалтен пат до манастирот Свети Петар кај Смилево.

Градоначалникот Љупчо Блажевски и директорот на Шумското стопанство „Бигла“ денеска беа на увид, на лице место да се информираат за текот на работите околу сечење на дрвниот појас од североисточната страна на коловозот после што ќе започнат земјените работи околу пробивање на трасата.

Работите се одвиваат според планираното и според очекувањето, што ќе рече, официјалниот почеток на градежните работи ќе може да се одбележи во текот на идната недела.

Свечениот чин на почеток на работите ќе се одбележи на пригодна церемонија и со присуство на Pat_Smilevo-2свештенослужители од Преспанско - Пелагониската Епархија, претставници на Општината, како и голем број жители на Смилево, Обедник и другите населени места.

Pat_Smilevo-3
 
МЛАДИ И СПОРТ PDF Печати
1-stadion

 

29.03.2017

ВО ТЕК СЕ ЗАСИЛЕНИ ГРАДЕЖНИ РАБОТИ НА ГРАДСКИОТ СТАДИОН

Петти ден градежната оператива засилено работи на реконструкцијата на фудбалското игралиште во Демир Хисар. По неколкумесечната пауза заради екстремно ниските зимски температурата, наглото затоплување ги принуди градежниците да се фатат за работа и да ги продолжат работите. Со цел постигнување на предвидените рокови, за време на зимата градежниците работеа на изработка на челичната конструкција за трибината и изработка на метални профили за поставување мрежна ограда.

Во моментов паралелно се работи на фасадното уредување на соблекувалните и поставување на челичните конструкции.

Зависно од временските прилики, со ваков интензитет работите ќе се изведуваат и во деновите што следат и, како што велат градежнците, ако помогне времето, може да се очекува објектот да биде готов до крајот на идниот месец.

2-stadion

Инаку за реконструкцијата на градското фудбалско игралиште во Демир Хисар што и покрај неоправданите негодувања и мајтапење на некои опозициски  кругови сепак се случува, општината обезбеди 7 милиони денари преку Агенцијата за млади и спорт, а со пари од сопствениот Буџет во износ од над 180 илјади денари, беше изработена и обезбедена целокупната техничка документација.

Во втората фаза од реконструкцијата, Општина Демир Хисар со свои пари ќе изгради и тениско игралиште што заедно со баскет игралиштето, ќе биде во склоп на стадионот.

3-stadion
 
ЕЛЕМЕНТАРНИ НЕПОГОДИ PDF Печати
Pozar-3

31.03.2017

ГОЛЕМ ПОЖАР ВО СМИЛЕВО

Вчера околу 13 часот, во Смилево избувнал голем пожар. Пожарот го зафатил катот и покривната конструкција на куќата на Илија Стамболиевски.

- Забележав голем чад низ очакот, а потоа и големи пламени јазици кои вирееја низ ѓерамидите. Од оваа глетка веќе бев сигурен дека гори куќата на соседите - ни раскажа првиот сосед на Илија од родот Стамболиевски. Веднаш потоа отишол во селската црква и во знак на тревога, почнал да ѕвони на црковната камбана. Ни рече дека за многу кратко време, речиси цело село било на нозе и се вклучило во гаснењето на пожарот кој што, заради силниот ветер почнал брзо да напредува и станал опасност и за соседните куќи.

За да биде несреќата поголема, во моментот на пожарот секнал селскиот водовод, па се црпела вода од најблиските бунари. Пожарот веднаш бил пријавен во локалната противпожарна единица којашто интервенирала со едно противпожарно возило. По Pozar-2интервенцијата на противпожарната екипа, пожарот бил локализиран, но направена е голема материјална штета. Целосно изгорела покривната конструкција, инсталациите како и целата покуќнина. Благодарение на присебноста на сопствениците, спасена е поголема количина на „живи“ пари во странска валута којашто, за среќа, била скриена во приземјето на куќата.

Случајот е пријавен и во Министерството за внатрешни работи, а неофицијално се дознава дека непосредна причина за пожарот бил неисправен електричен апарат.

Во посета на настраданото семејство беше градоначалникот на Општина Демир Хисар Љупчо Блажевски кого го придружуваше директорот на Шумското стопанство „Бигла“, Гоце Цветановски. Во разговорот со сопствениците, градоначалникот Блажевски вети конкретна почетна помош во пари, односно во градежен материјал за што побрзо санирање на последиците од пожарот.

Pozar-1
 
50 ГОДИНИ ОД ВОЗОБНОВУВАЊЕТО НА АВТОКЕФАЛНОСТА НА МПЦ-ОА-2 PDF Печати
Miprijan-1

27.03.2014

НА ДЕНОТ НА КАНОНИЗАЦИЈАТА, ПРВПАТ ЌЕ

БИДАТ ИЗЛОЖЕНИ МОШТИТЕ НА КИПРИЈАН СЛЕПЧЕНСКИ

Првпат по 237 години од трагичното упокојување, на  30ти април, на денот на канонизацијата , јавно ќе бидат изложени мошти од монахот Кипријан Слепченски. На сите верници што ќе присуствуваат на чинот на канонизирањето, манастирот ќе им поклнува памукче помазано од моштите на Кипријан. Моштите на монахот Кипријан пронајдени се пред неколку години во дворот на манастирската црква при изведувањето на некои градежни работи и се чуваат во истото сребрено ковчеже кое се спомнува во записите на Висарион и е пронајдено при истите градежни изведби. Бојата на моштите е невообичаено темна што е најоригинален показ дека Кипријан бил мачен и жив запален на Велигден во 1780 година.

Повеќе...
 
<< Почеток < Пред 1 2 3 4 5 6 7 8 9 10 Следно > Крај >>

Страница 7 од 168

Пријави проблем

Анкета

Банер
Банер
Банер