Добродојдовте на официјалната страница на Општина Демир Хисар!
ДЕМИРХИСАРСКО КУЛТУРНО ЛЕТО 2017 - PDF Печати
19944563_247979109038701_6369862667396780848_o

07.07.2017

ЗАПОЧНА ДЕМИРХИСАРСКОТО КУЛТУРНО ЛЕТО 2017

Со традиционални  свечености, на големиот верски празник Иванден, во манастирот Свети Јован Претеча започна 4. издание на Демирхисарското културно лето. Во присуство на поголем број гости и претставници на научниот,  дипломатскиот,  црковниот, јавниот, културниот и политичкиот живот, на свеченоста говореше градоначалникот Љупчо Блажевски кој поздравувајќи го присуството на академиците Цветан Грозданов и Вера Битракова Грозданова, рече дека на овие демирхисарски простори,  низ  најразлични периоди од историјата, се раѓале, живееле и на трогателен начин биле измачувани или крвавеле голем број македонски страдалници и херои и се исцртувале темелите на современата македонска државност.

Повеќе...
 
КОМУНАЛНО УРЕДУВАЊЕ PDF Печати
Most_vo_edinakovci-1

03.07.2017

ЕДИНАКОВСКИТЕ ОСНОВЦИ ЌЕ ДОБИЈАТ МОСТ

Учениците од подрачното основно училиште во Единаквци, од 1ви септември, селската суводолица ќе ја преминуваат преку метален мост. Барањето на родителите и потребата на основците ги препозна и целосно ги уважи локалната власт и уште во 2015 година го стави во програмските приоритети. 

Повеќе...
 
ПРОТОКОЛ PDF Печати
Priem_kaj_Vladika-1

30.06.2017

ГРАДОНАЧАЛНИКОТ БЛАЖЕВСКИ НА ПРИЕМ КАЈ МИТРОПОЛИТОТ ПЕТАР

На негово барање, градоначалникот на Општина Демир Хисар Љупчо Блажевски, во петокот беше примен од Неговото високо преосвештенство, г. Петар, митрополит на Преспанско - пелагониската православна епархија.

Во многу срдечна атмосфера и отворен разговор за заедничките проекти на Епархијата, манастирот Свети Јован Претеча Слепче, од една страна и Општина Демир Хисар од друга страна што на обострано задоволство многу засилено се остваруваат последниве 3-4 години, градоначалникот Блажевски му врачи примерок од отчетот за реализирани проекти.

- Многу општини од регионов и пошироко треба да учат од Општина Демир Хисар како може да се соработува, а при тоа резултатите на не изостанат. Му се восхитувам на градоначалникот за сè што прави последниве години за поширока афирмација и верификација на културното наследство, а особено за манастирот Свети Јован Крстител Слепче - рече покрај другото митрополитот Петар кој, како што рече, првпат гледа печатен примерок на отчет од еден градоначалник и е многу пријатно изненаден.

Priem_kaj_Vladika-2

Четириесетминутната средба, градоначалникот Блажевски ја искористи да му ја врачи официјалната покана за свеченото отворање на IV. Демирхисарско лето што ќе се одржи на Иванден во дворот на манастирот Свети Јован Претеча, Слепче. Беше договорено, на свеченоста со своја пригодна беседа да се обрати и митрополитот Петар.

Priem_kaj_Vladika-3
 
ПРОТОКОЛ PDF Печати
Priem_za_Demirhisarsko_drustvo-1

03.07.2017

ГРАДОНАЧАЛНИКОТ БЛАЖЕВСКИ ГО ПРИМИ ПРЕТСТАВНИКОТ НА ДЕМИРХИСАРЦИТЕ ВО СИДНЕЈ

Претставнико на Демирхисарското социјално друштво од Сиднеј Австралија, Горан Димовски, денеска беше примен од градоначалникот на Општина Демир Хисар, Љупчо Блажевски.

Повеќе...
 
ЗАШТИТА НА КУЛТУРНОТО НАСЛЕДСТВО PDF Печати
Konak-pokriv-1

28.06.2017

МАНАСТИРОТ И ОПШТИНАТА РЕКОНСТРУИРААТ ДЕЛ ОД СТАРИОТ КОНАК

Како продолжение на високото ниво на воспоставена соработка на Општина Демир Хисар со сестринството на манастирот Свети Јован Крстител којашто е особено нагласена последниве 4 години, деновиве започна реконструкцијата на покривот на дел од таканаречениот стар конак.

Манастирот и Општината препознаа долгорочен заеднички интерес да се реконструира целата покривна конструкција на староновиот конак од западната страна на манстирскиот двор како почетна фаза од претстојната целосна реконструкција на покривот, ентериерот и фасадата.

Последниве години манастирот стана една од најпривлечните Македонски духовни и туристички дестинации, а со востановувањето на Демирхисарското културно лето како најпрестижна регионална фестивалска приредба на науката, културата и уметноста, Манастирот целосно се отвори за пошироката јавност и стана еден од најпосетуваните манстири во Република Македонија каде што се одржуваат големи настани.

Konak-pokriv-2

- Општина Демир Хисар е редок пример на локална самоуправа којашто спроведувајќи ги своите локални политики, препозна отворена можност за соработка во области што се од заеднички интерес - вели Отец Серафим.

Почетокот на реконструкцијата на покривот е почетна фаза којашто предвидува целосно заменување на дел од градежната дрвенарија, термичка изолација, нови ѓерамиди, како и внатрешно преиуредување на дел од просториите. Така, поранешниот прирачен магацин со спојувањер на уште една помала помошна просторија, ќе се преуреди во сала за одржување на камерни културни настани, презентации, промоции, ликовни изложби и слични научни, уметнички и културни манифестации.

Konak-pokriv-3
 
<< Почеток < Пред 1 2 3 4 5 6 7 8 9 10 Следно > Крај >>

Страница 8 од 176

Пријави проблем

Анкета

Банер
Банер