Во соработка со општината Демир Хисар, БСЦ Битола (Business Start up Centre) ќе спроведе дводневна практична обука за демирхисарските бизнисмени  за успешно бизнис планирање. Дводневната обука е наменета пред се за постоечки и потенцијални претприемачи кои сакаат да ги подобрат и прошират своите бизниси и да основаат нови.

Пролетниот дел од годинашната акција „ДЕН НА ДРВОТО“, ќе се одржи кон крајот на март. Вака е заклучено на седница на Управниот одбор на ЗЕЛС. Зависно од големината на општината и бројот на жителите, обезбедени се доволен број задници што ќе бидат посадени во урбани средини - дворови на јавни установи, училишта, градинки и други локации што ќе ги утврди општината. Односно, задниците ќе бидат расподелени по општини според критериумот, 40% според бројот на жителите и 60% според површината на општината. Садниот материјал ќе се состои од: чемпрес, багрем, јавор, јасен, костен, дива маслинка, даб, аризонски чемпрес, јасен и бреза, или вкупно 2.928.765 стебла.