Вести
КОМУНАЛНО УРЕДУВАЊЕ PDF Печати
Вести
Pazar-1

07.06.2017

ЌЕ СЕ РЕКОНСТРУИРА ГРАДСКИОТ ПАЗАР ВО ДЕМИР ХИСАР

По речиси 40 години откако е изграден во почетокот на 80те години, наскоро ќе се изврши целосна реконструкција на гратскиот пазар во Демир Хисар.
Преку Пелагонискиот плански регион, Општина Демир Хисар ја обезбеди речиси целокупната финансиска конструкција за овој реконструктивен зафат којшто треба целосно да го промени ликот на дотраениот, руиниран и несоодветен за својата намена гратски пазар во Демир Хисар.

Реконструкцијата ќе опфати целосно заменување на постојните тезги, оградна и покривна конструкција над главната плоштадка, влезни порти од четирите страни, електрична инсталација со осветление, како и санитарен јазол - проблем што остана без решение уште од изградбата до денес. 
Санитарниот јазол ќе се гради како засебен проект, паралелно со реконструкцијата, а како целосна инвестиција на општината.

Проектната вредност на реконструкцијата на пазарот без санитарниот јазол изнесува околу 6.200.000 денари. Општината се обврза да обезбеди сопствено учество од околу 120 до 150 илади денари, како и комплетно финансирање на изградбата на санитарниот јазол.

Pazar-2

На 31. минатиот месец се објави огласот за јавна набавка, односно за избор на најповолен изведувач кој ќе биде избран најдоцна до крајот на јуни. Што ќе рече избраниот изведувач ќе биде обврзан да ги заврши реконструктивните работи најмногу за 60 дена.

Pazar-3
 
ПАТНА ИНФРАСТРУКТУРА PDF Печати
Вести
Smilevo-nov_pat-probivanje-1

01.06.2017

СЕ ПРОБИВА ТРЕТИОТ КИЛОМЕТАР ПРЕД „СВЕТИ ПЕТАР“

Тешка градежна механизација интензивно изведува земјени работи на пробивање на новиот пат до манастирот Свети Петар кај Смилево – инвестиција на Општина Демир Хисар и Европската унија.

Според зборовите на одговорните лица и машинистите, во моментот на посетата на градоначалникот Љупчо Блажевски и заедничкиот увид на работите со надзорот на Општина Демир Хисар, пробиени се 2740 метри што отприлика е половина од целата должина на патот.

Но, како што беше информиран градоначалникот Блажевски, со оглед дека на теренот се појави поровливо и некарпесто земјиште, се очекува работите да напредуваат побрзо.

На потегот од пробиениот терен се простира земјена траса со здрава карпеста подлога на планумот на некои места широка повеќе од 10 до 15 метри и со уште поголеми проширувања за разминување на секакви моторни возила.

Smilevo-nov_pat-probivanje-2

- Со оглед на обемноста и сериозноста на овој голем градежен зафат, очекувам до Петровден кога е славата на Манастирот (12.07), целата траса да биде пробиена, а земјениот коловоз да биде нивелиран и тампониран што ќе значи проодност на патот во двата правци. Се надевам дека на Илинден ќе имаме голема и повеќекратна причина за голема прослава – вели градоначалникот на Општина Демир Хисар Љупчо Блажевски.

Патот ќе биде долг 5699 метри, широк 3,5 метри, со банкини од тампониран слој во широчина од по 75 сантиметри и 18 пропусти за прифаќање на атмосферските води.

260 илјади евра се обезбедени од Европската унија преку ИПА претпристапните фондови и истите се администрирани според правилата на Светска банка, а остатокот до 468.828 евра, колку што изнесува проценетата вредност, како долгорочно кредитно задолжување, ги обезбеди општината.

Smilevo-nov_pat-probivanje-4
Smilevo-nov_pat-probivanje-3
 
МЛАДИ И СПОРТ - ГРАТСКИ СТАДИОН PDF Печати
Вести
Uvid-stadion-1

15.05.2017

ГРАДОНАЧАЛНИКОТ БЛАЖЕВСКИ ИЗВРШИ УВИД НА ГРАДЕЖНИТЕ РАБОТИ НА СТАДИОНОТ

Започнатите градежни работи на реконструкцијата на градскиот стадион се одвиваат според планираната динамика. 

При денешниот увид, градоначалникот Љупчо Блажевски беше информиран дека во моментов оперативата е ангажирана околу извршувањето на занаетчиските работи во соблекувалните. Се работи на поставување на санитарните подни и ѕидни плочки во купатилата и тоалетите, а наредниве денови целосно ќе биде завршена фасадата.

Паралелно со овие активности, изведувачот е ангажиран околу постaвувањето на металната ограда и бетонските фундаменти за рефлекторското осветлување, а друга градежна компанија ќе започне со уредување на каналот за отпадни води и пристапен мост од западната страна на стадионот.

Uvid-stadion-2

Uvid-stadion-4
Uvid-stadion-3
 
КОМУНАЛНО УРЕДУВАЊЕ PDF Печати
Вести
Odvoden_kanal-1

15.05.2017

ОПШТИНАТА ЌЕ ГО УРЕДУВА ОДВОДНИОТ КАНАЛ КАЈ СТАДИОНОТ

Најдоцна до среда ќе започнат градежните работи на уредување на одводниот канал кај градскиот стадион. 
Во должина од 110 метри, почнувајќи од мостот на регионалниот пат, најпрвин ќе се изврши детално чистење, проширување и издлабување, а потоа ќе се започне со изградба на коси каменобетонски ѕидови од двете страни и на дното од каналот. Зависно од конфигурацијата на теренот, на некои места каналот може да достигне длабочина и до 2 метри. Од практични, естетски, но пред се безбедносни причини, од двете страни на каналот, ѕидовите ќе имаат прописна косина.

Исто така во рамките на овој сериозен градежен зафат што целосно го финансира општината, ќе биде изграден уште еден мост за пристап на специјални возила (брза помош, пожарна, полиција и сл.).

Целиот проект ќе чини 1 милион и 300 илјaди денари, пари што се обезбедени во општинскиот Буџет.

Odvoden_kanal-2

Досегашниот таканаречен одводен канал, и во најзлатните општински фудбалски времиња беше грдото лице на градскиот стадион во Демир Хисар - потенцијален извор на зарази, „собиралиште“ на секакви отпадни води и врталиште на пренесувачи на зарази.

- Со изградбата на одводниот канал, реконструкцијата на градскиот стадион што е во полн ек, како и претстојната изградба на тениско и баскет игралиште, ќе се финализира комплетената и посакувана надворешна и внатрешна физиономија на новиот општински спортски центар вели градоначалникот Љупчо Блажевски.

Odvoden_kanal-3

Odvoden_kanal-4
 
ЧЕСТВУВАЊЕ - 114. ГОДИНИ ОД СМИЛЕВСКИОТ КОНГРЕС PDF Печати
Вести
Poklonenie-sm._kongres-1

07.05.2017

ПОКЛОНЕНИЕ ВО СМИЛЕВО

По повод 114. годишнината од одржувањето на Смилевскиот конгрес (02 – 07 мај 1903), денеска во легендарното и историско Смилево, Општина Демир Хисар го одржа традиционалното чествување.

Најпрвин , градоначалникот Љупчо Блажевски положи цвеќе и се поклони пред спомен костурницата на Даме Груев, претседател на Конгресот, потоа пред споменикот на смилевските Илинденци и пред споменикот во спомен – паркот „Даме Груев“.

Во името на Советот на Општина Демир Хисар, цвеќе положи секретарот на општината, Љупчо Ангелевски.

На денешното чествување коешто се совпадна и со одбележувањето на денот на Македонската полиција, присуствуваше и делегација на Министерството за внатрешени работи, односно, Секретаријатот за внатрешни Poklonenie-sm._kongres-2работи во Битола што ја предводеше началникот Методија Атанасовски. Делегацијата, исто така, пред споменичните обележја во Смилево, се поклони и положи цвеќе.

Во името на Општинскиот комитет на ВМРО – ДПМНЕ Демир Хисар и како претставник на претседателот, на чествувањето присуствуваше и положи цвеќе членот на ОК Кире Ристевски.

Членовите на Здружението за заштита на ликот и делото на Даме Груев, традиционално и во поголем број присуствуваа на чествувањето и се поклонија и положија цвеќе пред спомениците во Смилево

Како што беше најавено, по повод 114. годишнината од одржувањето на овој важен историски настан, пред споменикот на Даме Груев во спомен – паркот во Смилево, се одржа историски час на којшто говореше историчарот Ристо Груевски, претседател на Здружението „Даме Груев“

За време на престојот во Смилево, градоначалникот Блажевски се сретна и разговараше со граѓани на Смилево и при тоа, покрај другото, ги информира за текот на градежните активности на патот до манастирот Св. Петар којшто, доколку се се одвива според градежната динамика, се очекува да биде завршен до првата половина на јули, односно до почетокот на втората половина од оваа година.

Poklonenie-sm._kongres-4
Poklonenie-sm._kongres-3
Poklonenie-sm._kongres-5
 
<< Почеток < Пред 1 2 3 4 5 6 7 8 9 10 Следно > Крај >>

Страница 10 од 192

Пријави проблем

Анкета

Банер
Банер