Вести
ЧЕСТВУВАЊЕ - 114. ГОДИНИ ОД СМИЛЕВСКИОТ КОНГРЕС PDF Печати
Вести
Poklonenie-sm._kongres-1

07.05.2017

ПОКЛОНЕНИЕ ВО СМИЛЕВО

По повод 114. годишнината од одржувањето на Смилевскиот конгрес (02 – 07 мај 1903), денеска во легендарното и историско Смилево, Општина Демир Хисар го одржа традиционалното чествување.

Најпрвин , градоначалникот Љупчо Блажевски положи цвеќе и се поклони пред спомен костурницата на Даме Груев, претседател на Конгресот, потоа пред споменикот на смилевските Илинденци и пред споменикот во спомен – паркот „Даме Груев“.

Во името на Советот на Општина Демир Хисар, цвеќе положи секретарот на општината, Љупчо Ангелевски.

На денешното чествување коешто се совпадна и со одбележувањето на денот на Македонската полиција, присуствуваше и делегација на Министерството за внатрешени работи, односно, Секретаријатот за внатрешни Poklonenie-sm._kongres-2работи во Битола што ја предводеше началникот Методија Атанасовски. Делегацијата, исто така, пред споменичните обележја во Смилево, се поклони и положи цвеќе.

Во името на Општинскиот комитет на ВМРО – ДПМНЕ Демир Хисар и како претставник на претседателот, на чествувањето присуствуваше и положи цвеќе членот на ОК Кире Ристевски.

Членовите на Здружението за заштита на ликот и делото на Даме Груев, традиционално и во поголем број присуствуваа на чествувањето и се поклонија и положија цвеќе пред спомениците во Смилево

Како што беше најавено, по повод 114. годишнината од одржувањето на овој важен историски настан, пред споменикот на Даме Груев во спомен – паркот во Смилево, се одржа историски час на којшто говореше историчарот Ристо Груевски, претседател на Здружението „Даме Груев“

За време на престојот во Смилево, градоначалникот Блажевски се сретна и разговараше со граѓани на Смилево и при тоа, покрај другото, ги информира за текот на градежните активности на патот до манастирот Св. Петар којшто, доколку се се одвива според градежната динамика, се очекува да биде завршен до првата половина на јули, односно до почетокот на втората половина од оваа година.

Poklonenie-sm._kongres-4
Poklonenie-sm._kongres-3
Poklonenie-sm._kongres-5
 
50 ГОДИНИ ОД ВОЗОБНОВУВАЊЕТО НА АФТОКЕФАЛНОСТА НА МПЦ - ОА - 18 PDF Печати
Вести
Dok._film-1

04.05.2017

МАКЕДОНСКАТА ТЕЛЕВИЗИЈА СНИМИ ДОКУМЕНТАРЕН ФИЛМ

По неделниот голем и величествен настан што се одржа во манастирот свети Јован Претеча, а по повод канонизацијата на Св. Кипријан Слепченски за нов светец на МПЦ, документарната редакција на Македонската телевизија покажа дополнителен интерес за историските, научните и духовните аспекти на овој несекојдневен настан.

По тој повод, телевизиска екипа од режисер, новинар и снимател, два дена престојуваше во Демир Хисар регистрирајќи значајни артефакти и црковни објекти во манастирите Свети Јован Претеча кај Слепче и Св. Атанасиј кај Журче.

Како дел од овој проект, со свои афтентички научни откритија, сведоштва и сознанија учествуваа познатиот византолог, проф. д-р Сашо Цветковски од Центарот за истражување при МАНУ и м-р Виктор Недевски, теолог и асистент на Богословскиот факултет и автор на житието за Св. Кипријан Слепченски, како и игуменот Серафим и дел ос сестринството на Манастирот.

Dok._film-2

Во дел од проектот учествува и градоначалникот Љупчо Блажевски кој говори за напорите и резултатите што општината ги вложува и постигнува последниве години во смисла на промоција и афирмација на туристичките потенцијали и непроценливото културно наследство на општината.

Документарната редакција на јавниот сервис ќе подготви специјална емисија во две продолженија, како и краткометражен документарен филм во траење до 30 минути. Филмот ќе биде промовиран на отворањето на годинашното Демирхисарско културно лето што годинава по четврти пат традиционално ќе се одржи на Иванден, 7. јули, во манастирот Св. Јован Претеча.

Dok._film-3
 
50 ГОДИНИ ОД ВОЗОБНОВУВАЊЕТО НА АФТОКЕФАЛНОСТА НА МПЦ - ОА - 17 PDF Печати
Вести
18192641_210534049449874_67525182216092119_o

IMG_215330.04.2017

МПЦ ГО ПРОГЛАСИ КИПРИЈАН СЛЕПЧЕНСКИ ЗА СВЕТЕЦ

Македонската православна црква в неделата, на 30. април во манастирот во Слепче го канонизира за нов светител Игуменот Кипријан Слепченски, кој пострадал маченички за православната вера. За овој Игумен македонската јавност дозна по истражувањата што ги направил Виктор Недески, теолог, асистент на Богословскиот факултет во Скопје и докторанд на Универзитетот Аристотел во Солун. Свети Киријан маченички пострадал во XVIII век, во 1780 година кога на Велики четврток бил нападнат манастирот.
-Житиен текст е составен врз основа на податоците од споменатиот запис во кој се опишува настанот кој се случил на Велики четврток во 1780 г.: свирепиот напад на манастирот, заробувањето, измачувањето на игуменот Кипријан и неговиот блажен крај. Особено е впечатлив и трогателен начинот на кој бил измачуван свети Кипријан.

sv-kiprijan-520x674 Тој бил горен со оган кој бил запален од манастирските свеќи, сè со цел бавно да страда, за на тој начин да се поколеба во верата и да се откаже од Христа. Меѓутоа свети Кипријан покажал цврста вера и надчовечко трпение, како што е опеано и во богослужбата, и ни најмалку не се поколебал во верата ниту кога бил удиран од мачителите, ниту, кога бил горен од пламенот на свеќите, но сето тоа смело го поднел, знаејќи дека за привремените страдања заради Христа, на небесата го очекува вечен и нераспадлив светителски венец. Впечатливо е тоа што ваквиот начин на мачење на светителот е видлив и на неговите сочувани мошти, вели теологот Виктор Недевски.

Преподобниот Кипријан најпрво бил монах, а потоа и игумен во Слепченскиот манастир. За неговото потекло нема податоци. Од податоците што се достапни се гледа дека бил ревносен, пожртвуван и исполнителен монах кој покажувал особена грижа за духовниот живот во ова древно светилиште кое е еден од најголемите стожери на словенската книжевност во Македонија. Покрај тоа, монахот Кипријан покажувал и голема грижа за манастирскиот имот и вредните манастирски реликвии во едно особено тешко и кризно време каква што била втората половина на XVIII век. Како богољубив и родољубов пастир, Кипријан особено заблескал по неговиот избор за игумент на Слепченскиот манастир. Својата пожртвуваност за Бога и ближните ја покажал особено во пролетта во 1780 г. кога манастирот бил нападнат од група разбојници муслимани од околината на Корча, денес во Албанија. Разбојниците го ограбиле и опустошиле манастирот, а игуменот Кипријан го мачеле, принудувајќи го да се откаже од Христовата вера. Останувајќи непоколеблив, тој им подлегнал на раните и го завршил својот земен живот.

Во манастирот Св. Јован Претеча кај Слепче, на 30. април беше извршена канонизација (прогласување за светител) на Св. Кипријан Слепченски.

На службата чиноначалствуваше aрхиепископот oхридски и mакедонски г.г. Стефан во сослужение на останатите митрополити и епископи на МПЦ – ОА, како и архимандрити, чесното свештенсатво и ѓаконство на помесната црква. Целиот настан којшто блескаше со целата величенственост, го организираа Преспанско - пелагониската Епархија, манастирската обител на Свети Јован Претеча и Општина Демир Хисар.

18209266_210473219455957_3627705462996874665_o

Одлуката на Светиот Архиерејски Синод на МПЦ-ОА со која Св. Кипријан Слепченски се запишува во списокот на светите беше  соопштена во текот на Светата литургија, а потоа беше и осветена првата икона на светиот што ја изработи сестринството на Манастирот. По завршувањето на Литургијата, во дворот на Манастирот, во присуство на илјадници верници, се одржа осветување и поставување на камен - темелник на новиот конак со параклис посветен на Свети Кипријан Слепченски.

Во културно - ументичкиот дел од свеченоста, со специјален говорно - музички пеформанс настапија актерот Владо Јовановски, етно - групата Синтезис и членови на КУД „Илинден“ од Демир Хисар.

За сите присутни верници, манастирот организира трпеза.

Канонизацијата на Св. Кипријан кој на 30 април 1780 година маченички пострада за православната вера е првата свечена активност, во програмата за одбележување на 50 години од возобновувањето на автокефалноста на Македонската православна црква – Охридска архиепископија.

18192641_210534049449874_67525182216092119_o

18209059_210683732768239_2085024319904922896_o

18193083_210533356116610_5847082608885032558_o
 
50 ГОДИНИ ОД ВОЗОБНОВУВАЊЕТО НА АФТОКЕФАЛНОСТА НА МПЦ - ОА - 16 PDF Печати
Вести
Sostanok-IMP-1

 

28.04.2017

ЗА ЗДРАВЈЕТО НА ПОСЕТИТЕЛИТЕ ЌЕ СЕ ГРИЖАТ ДВЕ ИТНИ МЕДИЦИНСКИ ЕКИПИ

Две медицински екипи со двајца лекари и две медицински сестри ќе бидат ангажирани за време на одржувањето на црковно - народниот собор во манастирот Свети Јован Претеча, Слепче што ќе се одржи в недела, 30. април. Медицинскиот персонал и едно возило за итна медицинска помош ќе ги обезбеди Здравствениот дом во Демир Хисар.

Со оглед дека на соборот се очекува помасовно присуство на верници од сите краеви на земјава, а со тоа и поголема веројатност од евентуални инрвенции, Психијатриската болнца ќе обезбеди уште едно возило за итна медицинска помош со возач.

Ова го договорија директорите на Здравствениот дом Ацо Бошковски и Психијатриската болница, Снежана Најдовска на состаноикот со градоначалникот Љупчо Блажевски.

Sostanok-IMP-2

 

 
50 ГОДИНИ ОД ВОЗОБНОВУВАЊЕТО НА АФТОКЕФАЛНОСТА НА МПЦ - ОА - 15 PDF Печати
Вести
bus-lg

28.04.2017

АВТОБУСИТЕ ЌЕ СООБРАЌАЈАТ САМО ДО ДЕМИР ХИСАР

Градоначалникот Љупчо Блажевски и командирот на Полициската станица од општа надлежност Зоран Милевски имаа едночасовен работен состанок. Единствена тема на состанокот беше големиот црковно - народен собор што ќе се одржи в недела во манастирот свети Јован Претеча кај Слепче, односно сите аспекти од сферата на контролата и регулирањето на сообраќајот.

Заеднички беше констатирано дека не постојат никакви претпоставки, по локалниот пат од Демир Хисар до Манастирот во должина од околу 5 километри да сообраќаат големи туристички автобуси бидејќи, и покрај тоа што се извршени неколку проширувања, на делницата од Слепче, патот е прилично стрмен и со големи и на места тешко совладливи свиоци. Ако се има предвид и тоа дека по овој пат ќе се движат и други моторни патнички и специјални возила, а во Слепче не постои поширок простор за маневрирање, градоначалникот и командирот донесоа заедничко решение, големите туристички автобуси да се задржуваат во Демир Хисар, односно до паркингот кај поранешниот хотел и автобуската станица.

Општина Демир Хисар презеде обврска, за сите патници од автобусите да организира превоз со 4 минибиси со 20 седишта и две патнички комбиња со помал капацитет. Минибусите и комбињата ќе се движат во конвој што ќе го предводи специјално полициско возило.

Им се препорачува на туристичките агенции коишто ќе организираат превоз до Демир Хисар, да ги известат своите патници за овој режим на сообраќај, а на граѓаните од Демир Хисар и Слепче, им се апелира, в недела да се воздржат од користење на моторни возила.

 
<< Почеток < Пред 1 2 3 4 5 6 7 8 9 10 Следно > Крај >>

Страница 10 од 191

Пријави проблем

Анкета

Банер
Банер
Банер