Републичкиот центар за поддршка на лица со интелектуална попреченост – ПОРАКА е граѓанска, родителска, национална, невладина и непрофитна организација која ги застапува правата и интересите на повеќе од 20.000 лица со интелектуална попреченост во Р. Македонија. РЦПЛИП – ПОРАКА е оформена во 1963 година, а во моментов обединува 20 локални организации во земјата.

Главните цели на РЦПЛИП – ПОРАКА:
•  Обезбедување законски можности за поттикнување на еднакво учество на лицата со интелектуална попреченост во граѓанското општество
•  Развивање на алтернативните сервисни служби во местото на живеење, според принципите за изедначување на можностите на лицата со интелектуална попреченост и унапредување на нивните човекови права.

Активности:
•  Иницијативи за подобрување на политиката за лицата со интелектуална попреченост на национално ниво,
•  Координација и стручно-методолошка помош на локалните организации,
•  Воспоставување на мрежа од алтернативни сервисни служби:
    -  клубска работа и советување на родители во скоро сите локални организации,
    -  дневни центри (посебни групи во редовните градинки) за деца со интелектуална попреченост од претшколска возраст,
    -  дневни центри за адолесценти и возрасни лица со интелектуална попреченост,
    -  Создавање на предуслови за оформување на Сервиси за самостојно живеење на лица кои ќе бидат извлечени од институции
•  Комуникација и размена на искуства на европско и светско ниво, како рамноправна членка на Европската Инклузија и Интернационалната Инклузија

.

ОПШТИНСКИ ЦЕНТАР ДЕМИР ХИСАР

Претседател: Љубе Димчевски

Секретар:

Контакт: 070-373-589