– ОДРЖАНА СВЕЧЕНА СЕДНИЦА НА СОВЕТ НА ОПШТИНА ДЕМИР ХИСАР, А ПО ПОВОД 2. СЕПТЕМВРИ, ДЕНОТ НА ОСЛОБОДУВАЊЕТО НА ДЕМИР ХИСАР
![](https://demirhisar.gov.mk/wp-content/uploads/2023/08/svecenosti-po-povod-2-septemvri-denot-na-demirhisar-7.jpg)
Градоначалникот Најдовски, при своето излагање пред присутните гости потенцираше со посебен акцент дека, локалната самоуправа настојува кон реализација на нови проекти кои ќе донесат подобар животен стандард за сите и го честиташе празникот од негово лично име и од името на општинската администрација ѝ изрази честитки до сите граѓани на Демир Хисар, со искрени желби за добро здравје, лична, семејна и општествена благосостојба, радост, љубов, спокој, меѓусебна почит, просперитетна иднина и среќен живот на сите, на своето пригодно обраќање на свечена седница на Совет на Општина Демир Хисар.
– Во овие тешки моменти кога се соочуваме со глобална економска криза, наша приоритетна обврска и пред сè, примарна должност е да обезбедиме подобри услови за живот, да работиме посветено на имплементација на проекти кои сè од исклучително и суштинско значење за јавниот интерес, преку што одговорно ги застапуваме и заеднички сме вклучени во процесот да овозможиме развој и перспективна иднина за нашите сограѓани. Со посебно и огромно чувство на радост и исполнетост, сакам да укажам до сите наши сограѓани и пошироко до сите демирхисарци низ целиот свет дека, Демир Хисар има големо културно и историско богато минато, но и огромно природно богатство, а јас одговорно тврдам дека во понатамошниот период од позиција на градоначалник, ќе се залагам за што поголема афирмација за нашата општина, а со тоа и да се овозможат поволни услови за инвестициони проекти кои ќе донесат економски прогрес тука, во Демир Хисар. Порачувам до идните помлади генерации да ги негуваат, континуирано да ги чуваат историските и културните вредности, бидејќи ова револуционерно место има со што да се гордее, истакна Најдовски.
![](https://demirhisar.gov.mk/wp-content/uploads/2023/08/svecenosti-po-povod-2-septemvri-denot-na-demirhisar-5.jpg)
![](https://demirhisar.gov.mk/wp-content/uploads/2023/08/svecenosti-po-povod-2-septemvri-denot-na-demirhisar-6.jpg)
Денешното општинско чествување по повод „2-ри Септември“, Денот на ослободувањето на Демир Хисар, претходно, започна според востановена традиција преку пригодни свечености со полагање цвеќе на спомен обележјата во Демир Хисар и оддавање почит, во слава, чест и благодарност кон сите што ги дале своите животи за слободата на Демир Хисар и Македонија, од страна на општинска делегација предводена од градоначалникот Никола Најдовски, советници, делегации предводени од Јавни установи и претпријатија, Општинскиот одбор на сојузот на борците од Демир Хисар, Здружението на пензионери од Демир Хисар и претставници од политички субјекти на локално ниво.
![](https://demirhisar.gov.mk/wp-content/uploads/2023/08/svecenosti-po-povod-2-septemvri-denot-na-demirhisar-1.jpg)
![](https://demirhisar.gov.mk/wp-content/uploads/2023/08/svecenosti-po-povod-2-septemvri-denot-na-demirhisar.jpg)
Во рамки на денешните свечени и пригодни активности, градоначалникот Најдовски изврши и увид на градежните работи во изградбата на новиот градски забавен, модерен и рекреативен парк, со нови реквизити, преку чија посета и, го честиташе патрониот празник на Детската градинка „Втори Септември“, Демир Хисар.
![](https://demirhisar.gov.mk/wp-content/uploads/2023/08/svecenosti-po-povod-2-septemvri-denot-na-demirhisar-2.jpg)