ПИАРИТЕ НА ОПШТИНИТЕ НА ТРЕНИНГ

Лицата задолжени за односи со јавност (PR) во општините од Пелагонискиот, Источниот  и Југоисточниот регион,  два дена ќе се обучуваат на теми што се произлез од нивните барања упатени до ЗЕЛС. Дводневната обука што се спроведува на 15 и 16 јуни во Битола,  а опфаќа предавања, практичен дел и размена на добри практики и искуства, е во организација на Тренинг центарот на ЗЕЛС, а во рамките на Годишната програма за регионални обуки за претставниците на општинската администрација.

АМЕРИКАНСКИ УМЕТНИЦИ ВО ДЕМИР ХИСАР

Десет студенти од ликовната академија при Универзитетот на Северна Каролина од Вилмингтон, САД, предводени од нивната професорка, Памела Тол, 30 – ина дена ќе престојуваат во нашава замја. Тие ќе ги посетат и ќе престојуваат во Скопје, Охрид, Битола и Крушево, а од 13 – 27 јуни ќе престојуваат и творат во селото Слоештица, демирхисарско, во меѓународниот центар за уметност и одржлив развој „Арт Поинт“ – Гумно“.