Четири екипи од трите централни училишта во Демир Хисар, денеска ги демонстрираа познавањата и вештините од давање прва медицинска помош. На натпреварот учествуваа екипи на најдобрите „помагатели“ од основните училишта „Гоце Делчев“ Демир Хисар, „Браќа Миладиновци“  Жван и „Даме Груев“ од Смилево.

Во натпреварувачкиот дел, најдобри резултати покажа екипата на училиштето „Браќа Миладиновци“ од Жван која го освои првото место. На второто место се пласира првата екипа од училиштето „Гоце Делчев“, а втората екипа на истото училиште го освои третото место. Екупата на „Даме Груев“ од Смилево се пласира на четвртото место.

Пред почетокот на натгпреварот, на натпреварувачите и нивните ментори им се обратија градоначалникот Ангелевски, претседателот на Републичкиот одбор на Црвениот Крст, Милош Трајков и претседателот на Општинскиот одбор на Црвениот крст, Ацо Бошковски.