По повеќе од 35 год., комплетно се реновирани и конечно ставени во функција тоалетите во Домот на културата, место каде што во духот на традицијата и фолклорните вредности се приредуваат незаборавни и врвни културни настани и манифестации.

Подобрени се и осовремени условите за работа, и тоа:

Нова санитарна опрема;

Нова ПВЦ дограма;

Ново осветлување;

Оспособен водовод и канализација;

Обработени ѕидови и под.

- Инвестираме во нов и модерен Демир Хисар, а тоа се покажа деновиве каде што се изврши реновирање на тоалетите во просториите на Домот на културата, а во пресрет на Годишниот концерт на КУД „Илинден‟, Демир Хисар. Наш приоритет е да ги подобруваме условите, но и активно да придонесуваме за поквалитен развој во областа на културата во нашето општество, бидејќи таа е основата и фундаментот за промоција и афирмација за нашата општина, истакна градоначалникот Најдовски.