„ДЕН ЗА НОВИНАРИТЕ“ PDF Печати
Вести
Novinari-2

28.10.2011

НОВИНАРИТЕ НА ГОСТИ КАЈ ГРАДОНАЧАЛНИКОТ


Дваесет битолски  новинари и сниматели од околу 15-тина национални, регионални и локални медиуми, цел ден беа гости на градоначалникот на општината Демир Хисар, Тони Ангелевски.

Еднодневната посета и престој во Демир Хисар беше реализирана во рамките на манифестацијата „Ден за новинарите“ – според идејата, концепцијата, постигнатата цел и организацијата, засега  единствено неформално дружење на локалната власт и новинарите.


На приемот што во чест на новинарите го изврши градоначалникот Ангелевски, уште еднаш беше потенцирано, дека односите со медиумите за локалната  самоуправа се многу значаен демократски фактор за напредокот на општината.

-          Ние постојано и посветено се залагаме за воспоставување на најтранспарентен пристап и однос кон новинарите. Денешниот „Ден за новинарите“ е најдобар показ  за тоа колку изминатиов период сме успеале да воспоставиме максимално коректни  релации со медиумите и со колкава исклучителност ја цениме нивната професија  – рече покрај другото градоначалникот Ангелевски.

1

Во името на новинарите, говореше регионалниот координатор на Здружението на новинарите, Жанета Здравковска која, покрај другото,  на градоначалникот му честиташе за оригиналноста на идејата и се заблагодари за срдечниот прием.

Бројната новинарска екипа, најпрвин го посети легендарното Смилево, се поклони и  положи свежо цвеќе на гробот на Даме Груев и споменикот на смилевските Илинденци, а потоа го посети и спомен музејот „Смилево“.

Околу пладне новинарите ги посетија најпознатите локални духовни светилишта, манастирите Св. Јован Крстител кај с. Слепче и Св. Атанасиј Александријски кај с. Журче. При тоа имаа средба со отец Серафим, старешина на манастирите, и сестра Атанасија, настојателка на  манастирот кај Журче кои ги информираа новинарите за историјата и духовните вредности на  овие споменици на културата.

„Да се биде во Демир Хисар, а при тоа да не се посети и да не се види неповторливата убавина на Црна Река и селото Железнец,  е ненадоместлива штета“ – прокоментира некој од новинарите при дилемата, дали да се изоди и оваа километража. Така и беше. Мнозинството одлучи да се посетат и овие природни атракции каде што природата направила вистински ремек – дела. Се сликаа покрај изворите, ја сликаа афтентичната селска архитектура на Железнец и разговараа со селаните.

Novinari-3

Кон крајот на денот, новинарите го посетија и селото Бабино каде што во куќата каде што е сместена првата приватна библиотека на бабинчанецот Стево Степановски, „АЛ-БИ“, новинарите имаа средба со сопственикот и претставникот на навладината организација „Балканија“, Владо Србиновски. Тука, во етно собата, на импровизирана прес – конференција, новинарите беа запознати со книжниот фонд на библиотеката, како и проектите за заживување и враќање на животот во Бабино преку развојот на селскиот туризам.

На крајот од посетата, во приквечерината, за сите новинари и сниматели, градоначалникот Ангелевски организира ручек во вилата „Горна Куќа“ каде што беа послужени со традиционални демирхисарски специјалитети.

Целокупната организација  на првиот „Ден за новинарите“ беше во режија на градоначалникот, а  учествуваа новинари од Канал 5, Телма, Алфа, МТВ, Македонско радио, Тера, Дневник, Вест, Јавност, Инфо магазин, Его, Радио Сиднеј и магазинот за хумор и сатира, Без навреда.

Под  мотото „Не е вест кога градоначалникот му е гостин на новинарот, туку кога новинарот му е гостин на градоначалникот“, манифестацијата ќе биде традиционална, односно ќе се организира секоја година.





Novinari-4Novinari-5Novinari-6Novinari-6
Novinari-8Novinari-9Novinari-10Novinari-11
Novinari-12Novinari-13Novinari-14Novinari-15
Novinari-16Novinari-17Novinari-18Novinari-19

 

Пријави проблем

Анкета

Банер
Банер
Банер
Банер
Банер
Банер
Банер
Банер
Банер