Јордан Силјанов, наречен Јордан Пиперката (Козица, 23 јуни 1870 — Цер, 10 август 1903) бил македонски револуционер, учесник во македонското револуционерно движење, член и војвода на Македонската револуционерна организација.
На 10 август 1903 година, паднал во заседа на османлиската војска и откако бил ранет, не дозволил да биде жив фатен од непријателот и со последниот куршум си го одзел животот.
![](https://demirhisar.gov.mk/wp-content/uploads/2024/02/jordan-piperkata-monument-1024x780.jpg)
Вечното почивалиште на војводата Јордан Силјанов Пиперката се наоѓа во месноста Черешна, во селото Велмевци, Општина Демир Хисар. Селото се наоѓа на два километри лево од регионалниот пат Битола-Кичево, во Општина Демир Хисар.
Тој загинал во близина на село Цер а по негова желба бил погребан на ритчето во месноста Черешна над село Велмевци, од каде како на дланка можел да го гледа Суво Поле и Демирхисарско, региони и каде што најмногу бил активен. До неговиот гроб, се наоѓаат и вечните почивалишта на неговите соборци Кузман Тодороски и Милош Трајкоски од село Бабино, како и Ѓорѓи Бошкоски од село Црско.
![](https://demirhisar.gov.mk/wp-content/uploads/2024/02/117444587_637760950192766_7454052878318206085_n-1024x683.jpg)
![](https://demirhisar.gov.mk/wp-content/uploads/2024/02/jordan_piperkarta_2.jpg)
![](https://demirhisar.gov.mk/wp-content/uploads/2024/02/jordan-piperka.jpg)