Детска градинка Втори септември – Демир Хисар

Адреса: ЈОУД Детска градинка „Втори септември“ ул. Маршал Тито, бб, 7240 Демир Хисар
Телефон/факс: (+389) 276 141
E – mail: joudgvtoriseptemvri@yahoo.com
Директор, Андријана Цветковска

Историјат и општи информации

Детската граадинка во Демир Хисар е основана на 31.10.1978 година, со Одлука na Општинската самоуправна заедница за општествена заштита на децата (ОСИЗ), со назив “Комбинирана детска установа“. Институцијата располага со објект од 1000 м²и дворна површина од 2000 м².

Дејноста се извршува во 7 занимални со вкупна површина од 300 м2 наменети за детски јасли и градинка, сала за разновидни активности и други простории.

Дејност

Дејноста на детската градинка е, згрижување и воспитание на деца од предучилишна возраст. Истата се остварува преку згрижување, престој, нега, исхрана, воспитание, образование, спортско – рекреативни и културно – забавни активности, мерки и активности за подобрување и зачувување на здравјето, поттикнување на интелектуалниот, емоционалниот, физичкиот, менталниот и социјалниот развој на детето до шестгодишна возраст, односно до вклучување во основното образование.

Глобални визии

Со оглед на значењето на предучилишното воспитание и образование, се наметнува потребата, во иднина, во општината Демир Хисар, секое дете да биде опфатено со некој вид предучилишно воспитание и образование. Можните решенија се гледаат низ неколку глобални визии на установата:

– целосно вложување и ангажирање на постојниот кадар и искористување на просторот;

– организирање на „патувачка“ градинка;

– организирање на алтернативни установи со полудневна програма;

– обука на родителите на деца во насока на позитивен став за значењето на образованието за сите деца;

– перманентно усовршување на воспитно – образовниот кадар итн.