Светата Православна Црква ќе се собере на едно место, во едно време, на 29 и 30 јуни 2024 година, како би заблагодарила и воздала слава на Бога Троичниот, Кој ни ја испрати молитвеноста и застапништвото пред Него во лицето на Светата преподобномаченичка Стефанида Битолско–Скaдарска.
Моштите на Светата Стефанида Битолско-Скадарска се наоѓаат во Слепченскиот Манастир чие Сестринство ја сотвори службата и акатистот на Светителката, како и истражувачка книга за нејзиниот живот и духовни подвизи. Оваа книга се работеше последните три години и на радост на сите наскоро ќе биде објавена заедно со нејзината икона и славословие.
