Добродојдовте на официјалната страница на Општина Демир Хисар!
ОБРАЗОВАНИЕ И НАУКА PDF Печати
prvenec-1

13.06.2017

МАРТИН АНЃЕЛЕВСКИ Е ОПШТИНСКИ ПРВЕНЕЦ

Завршениот деветтоодделенец од основното училиште „Гоце Делчев“ Мартин Анѓелевски е првенец на генерацијата ученици 2016/2017 во Општина Демир Хисар. Изборот беше извршен во конкуренција на деветтоодделенците од сите општински основни училишта за постигнат континуиран успех со просечна оцена 5,00.

Повеќе...
 
СОЦИЈАЛНА ЗАШТИТА PDF Печати
Tableti-1

09.06.2017

ТАБЛЕТИ ЗА НАЈМЛАДИТЕ ЖИТЕЛИ НА ЗАШЛЕ

Ирена и Јована се најмладите жители на Зашле - селото каде што повеќе од 20 години немало свадба. Идиличната високопланинска тишина пред 10-ина години првпат ја „наруши“ бебешкиот плач на Ирена и Јована, двете ќерки на Ристо и Мартина Поповски. Повосрасната 10. годишна ќерка Ирена деновиве со одличен успех го заврши четвртото одделение, а 6. годишната Јована се спрема наесен да го започне школувањето во прво одделение. Двете сестрички од понеделник до петок со нивната мајка родум од Албанија живеат во Сопотница во нивната куќа бидејќи училиштето во Зашле е одамна затворено, а речиси секој викенд се враќаат кај татко им кој преку цела година произведува вар за да го прехрани семејството.

Повеќе...
 
СПОРТ И МЛАДИ PDF Печати
Moto_kros-1

07.06.2017

ЌЕ СЕ УРЕДУВА МОТО КРОС ПАТЕКА

На просторот на некогашната песокарска база на смилевската задруга кај Белче, првпат ќе се уредува мото крос патека.

Всушност, два - тројца демирхисарски пасионирани крос моторџии, самоиницијативно и на сопствен трошок уште минатата година на овој простор каде што пред неколку години беше депонирана поголема количина земја од изградбата на спортската сала, трасирале мото крос патека и повремено рекреативно возат со своите мото крос машини.

- Има и други заинтересирани за да купат крос мотори и да нѝ се приклучат, но нѝ треба помош во механизација и изведба на дополнителни земјени работи, како и тампонирање на пристапниот пат - велат Дончо Дрмоновски познат демирхисарски моторџија и иноватор и помладиот мотокросист, Васе Талевски кои со својата упорност и ентузијазам поттикнаа интерес кај градоначалникот Љупчо Блажевски.

Moto_kros-2

Деновиве градоначалникот Блажевски излезе на терен и изврши увид на состојбата на постојната мото крос патека, којашто, како што рече, иако сеуште нема регулиран правен статус, за рекреативните потреби на демирхисарските моторџии ќе се извршат извесни интервенции.

Мото крос патеката посебно атрактивна ја прават близината на Црна Река и близината до регионалниот пат за Кичево, односно Крушево.

- Во текот на летово, можна е организација на ревијална трка на кросисти од Битола, Прилеп и другите соседни градови, велат Дончо и Васе.

Moto_kros-3
 
ОБРАЗОВАНИЕ И НАУКА PDF Печати
Sostanok_vo_MANU-1

08.06.2017

СОСТАНОК ВО МАНУ - БЛАЖЕВСКИ СЕ СРЕТНА СО ЦВЕТКОВСКИ И КАСАПОВА

На околу еден месец пред официјалниот почеток на првата Демирхисарска летна школа, градоначалникот Љупчо Блажевски вчера во Македонската академија на науките и уметностите имаше работна средба со научниот раководител на Школата, познатиот македонски византолог, проф. д-р Сашо Цветковски и професорката на Архитектонскиот факултет, проф. д-р Елизабета Касапова.

Повеќе...
 
КОМУНАЛНО УРЕДУВАЊЕ PDF Печати
Pazar-1

07.06.2017

ЌЕ СЕ РЕКОНСТРУИРА ГРАДСКИОТ ПАЗАР ВО ДЕМИР ХИСАР

По речиси 40 години откако е изграден во почетокот на 80те години, наскоро ќе се изврши целосна реконструкција на гратскиот пазар во Демир Хисар.
Преку Пелагонискиот плански регион, Општина Демир Хисар ја обезбеди речиси целокупната финансиска конструкција за овој реконструктивен зафат којшто треба целосно да го промени ликот на дотраениот, руиниран и несоодветен за својата намена гратски пазар во Демир Хисар.

Реконструкцијата ќе опфати целосно заменување на постојните тезги, оградна и покривна конструкција над главната плоштадка, влезни порти од четирите страни, електрична инсталација со осветление, како и санитарен јазол - проблем што остана без решение уште од изградбата до денес. 
Санитарниот јазол ќе се гради како засебен проект, паралелно со реконструкцијата, а како целосна инвестиција на општината.

Проектната вредност на реконструкцијата на пазарот без санитарниот јазол изнесува околу 6.200.000 денари. Општината се обврза да обезбеди сопствено учество од околу 120 до 150 илади денари, како и комплетно финансирање на изградбата на санитарниот јазол.

Pazar-2

На 31. минатиот месец се објави огласот за јавна набавка, односно за избор на најповолен изведувач кој ќе биде избран најдоцна до крајот на јуни. Што ќе рече избраниот изведувач ќе биде обврзан да ги заврши реконструктивните работи најмногу за 60 дена.

Pazar-3
 
<< Почеток < Пред 1 2 3 4 5 6 7 8 9 10 Следно > Крај >>

Страница 10 од 176

Пријави проблем

Анкета

Банер
Банер