Во работниот кабинет на градоначалникот, се реализира продуктивна и суштински значајна средба, а на којашто, следствено на тоа, се потпиша и Меморандум за соработка помеѓу Центарот за креативни индустрии – НЕБО и Даниела Цветаноска, локална координаторка на Националаната платформа за женско претприемништво во Пелагонискиот регион.
Градоначалникот Најдовски ја поздрави иницијативата и епилогот што резултира со потпишување на Меморандум за соработка на конструктивната средба и посака со силен интензитет да се имплементираат утврдените цели и програмски активности и чекори кои се содржани во Меморандумот, а локалната самоуправа безрезервно и несебично ќе ги поддржува и помага зацртаните и предвидени мерки за реализирање на овој проект за развој на женското претприемништво во нашата заедница.
„Драги пријатели, би сакала да споделам со вас една убава вест, која сметам дека ќе биде од големо значење за развојот на женското претприемништво во Општина Демир Хисар. Центарот за креативни индустрии – НЕБО оствари средба со Даниела Цветаноска, локална координаторка на Националаната платформа за женско претприемништво во Пелагонискиот регион и на истата таа средба беше потпишан Меморандум за соработка. Воедно, по покана на локалната координаторка на Националната платформа за женско претприемништво Даниела Цветаноска, како член на Комисијата за еднакви можности (КЕМ) исто така присуствував на општинскиот состанок со градоначалникот на Општина Демир Хисар, претседателката на КЕМ и дел од советничките од Советот на Општина Демир Хисар. На овој состанок во кратки црти беа презентирани главните цели на платформата и беа утврдени понатамошните чекори на имплементација. Верувам, дека од оваа иницијатива за развој на женскиот претприемачки дух во Демир Хисар, ќе се родат навистина убави и успешни претприемачки приказни”, изјави Јасмина Котевска – претставник од Центарот за креативни индустрии НЕБО и член на Комисијата за еднакви можности на жените и мажите, која е во рамки на Советот.
